စာအုပ်အိမ်

 အနာဂတ်လူသားတွေဟာ သူရဲကောင်းကိုခေါင်းဆောင်တင်မယ့် လူသားတွေမဟုတ်ကြတော့ပါဘူး။ သူတိုအတွေးတွေ ပြောင်းကုန်ပါပြီ။ လူတစ်ယောက်ထဲမှာ အရည်အချင်းအကုန် ရှိလိမ့်မယ်လို့ သူတိုမယုံကြည်ကြတော့ပါဘူး။ သူတိုယုံကြည်တာက လူတစ်ယောက်တိုင်းမှာ ထူးခြားတဲ့အရည်အချင်း အနည်းဆုံးတစ်ခုစီရှိတယ်လို ယုံကြည်ကြပါတယ်။ ကောင်းမွန်တဲ့ အရည်အချင်းတွေ စုပေါင်းလိုက်ရင် ကောင်းမွန်တဲ့ဦးဆောင်မှုပေးနိုင်မယ်လို ယုံကြည်ကြပါတယ်။ ဒါကြောင့် အနာဂတ်မှာ ဦးဆောင်မယ့်သူတွေဟာ အစုအဖွဲနဲ့ ဦးဆောင်ကြရတော့မှာပါ။ ဒါကို Collective Leadership လို ခေါ်တာပါပဲ။ ထူးချွန်တဲ့သူတွေဆီမှာ ဆန်းသစ်မှုတွေ ရှိနေတတ်ပါတယ်။ အားလုံးကို တစ်ယောက်တည်း လုပ်နိုင်တာမဟုတ်လို အဲဒီလိုထူးချွန်သူတွေ စုပေါင်းလိုက်မယ်ဆိုရင် အလွန်ကြီးမားတဲ့ အားတစ်ခု ဖြစ်လာမှာပါ။ ဒီနေ့လူငယ်တွေ ထူးချွန်ကြပါတယ်။ အပြိုင်အဆိုင်ကြိုးစားကြပါတယ်။ အဲဒီကြိုးစားမှုရဲ့ရလဒ်အဖြစ် ဆန်းသစ်မှုတွေကို ဖန်တီးကြရမှာပါ။ ရလာတဲ့ ဆန်းသစ်မှုတွေကို ဘယ်လိုစီမံခန့်ခွဲမလဲဆိုတာကို လူကြီးတွေနဲ့ပူးပေါင်းပြီး သင်ယူကြပါလိမ့်မယ်။ ဆန်းသစ်တဲ့ အတွေးအခေါ်တွေအတွက် စီမံခန့်ခွဲမှုအသစ်တွေ လိုအပ်ပါတယ်။ ရှေးထုံးထဲက ပယ်သင့်တာတွေကို ပယ်ရပါမယ်။...

 အပြောင်းအလဲဆိုတာ ဘာကြောင့်ပဲပြောင်းပြောင်း၊ ဘာကိုပဲပြောင်းပြောင်း အနာဂတ်ကိုဦးတည်ပြီး ပြောင်းရတာပါ။ အပြောင်းအလဲ(Change)ရဲ့နောက်မှာ အကူးအပြောင်း (Transition) ဆိုတဲ့အရွေ့ပါ ပါလာဖိုလိုပါတယ်။ တချို အပြောင်းအလဲတွေဟာ နည်းပညာအသစ်အဆန်းတွေနဲ့ ပြောင်းလဲရပါတယ်။ တချိုအပြောင်းအလဲတွေကျတော့ လုပ်နည်းလုပ်ဟန် ပြောင်းရပါတယ်။ တချိုအပြောင်းအလဲတွေကိုတော့ အခြေခံအတွေးအခေါ်ပါ ပြောင်းလဲရပါတယ်။ ပြောင်းလဲပြီဆိုတာနဲ့ ပထမဆုံး စဉ်းစားထားရမှာက Loss ဆိုတဲ့ ဆုံးရှုးမှုပါ။ ပြောင်းလဲခြင်းအများစုဟာ အရှုးနဲ့ ကြုံတတ်တယ်ဆိုတာ သိထားဖိုလိုပါတယ်။ ဒါကြောင့် ပြောင်းလဲမှုကိုစီမံတော့မယ်ဆိုရင် အရှုးကို ဘယ်လိုစီမံမလဲဆိုတာ စပြီးစဉ်းစားထားဖိုလိုပါတယ်။ ဒုတိယ စဉ်းစားထားရမှာက Resistance ဆိုတဲ့ ခုခံမှုပါ။ (သာသာယာယာလိုထင်နေတဲ့) လက်ရှိအခြေအနေကနေ ဘာမှန်းမသိတဲ့ အခြေအနေသစ်တစ်ခုကို ပြောင်းလဲလိုက်ရမှာကို လူတော်တော်များများက စိုးရိမ်တတ်ကြပါတယ်။ ဒါဟာ လူ့သဘာဝပါ။ ဒါကြောင့်မို့ အဲဒီအခြေအနေကို ပျက်ယွင်းမသွားရအောင် ကာကွယ်မိတတ်ပါတယ်။ အဲဒါကို ခုခံမှု (Resistance) လို သတ်မှတ်တာပါပဲ။ ခုခံမှု အားကြီးတဲ့အခါမှာ ကာကွယ်မှု ဖြစ်သွားပါတယ်။ ကောင်းလွန်း ဈေးနှုန...